Back إكسرخسية قرطاج Arabic Exarcáu d'África AST Афрыканскі экзархат Byelorussian Африкански екзархат Bulgarian Exarcat d'Àfrica Catalan Africký exarchát Czech Exarchat von Karthago German Εξαρχάτο της Αφρικής Greek Exarchate of Africa English Exarcado de África Spanish

Exarchat von Karthago

D Eroberige vom Justinian I. (in orangsch) und die offensivi Ussebolitik vo sine Noochfolger häi d Ressursse vom oströmische Riich überforderet. D Gründig vo de Exarchat in Africa und Italie isch d Reakzioon gsi druf und het sich e Joorhundert lang bewäärt.

S Exarchat vo Karthago isch näben em Exarchat vo Ravenna en oströmischs Vizeköönigdum gsi. Dr oströmisch Kaiser Maurikios (582–602) het s gründet und sim Regänt, em Exarch witgehendi zivili und milidäärischi Freiheit gee, für dass er d Gfoore vo uswärts besser chönn bekämpfe. Bis denn si in dr spootantike römische Brovinzialverwaltig sit öbbe 300 Joor die zivile und die milidäärische Kompetänze zwüschen em Pretorianerprefekt und em magister militum ufdäilt gsi.

S Exarchat vo Karthago isch sit 590 e Bastioon vo dr byzantinische Macht im westlige Middelmeerruum gsi, bis es 698 vo de Araber vernichdet worde isch. Mit em Fall vo Karthago häi sich d Araber in de Baleare, Sardinie und Sizilie chönne iiniste und drizää Joor spööter Schbanie chönne aagriffe. S Christedum isch in Nordafrika vollständig usglöscht und dur e Islam ersetzt worde.

Developed by StudentB